2026 жылғы 2–17 ақпан аралығында мемлекеттік органдар жариялаған ресми теріске шығарулар
Фейк: Желіде көлік құралдары жүргізушілерін даярлау бойынша жеделдетілген онлайн курстардан өтіп, растайтын құжаттарды алу мүмкіндігі туралы ұсыныстар таратылуда.
ҚР ІІМ-нің ресми теріске шығаруы
Жүргізушілерді даярлау тек лицензияланған автомектептерде жүзеге асырылады және оқытудың толық курсынан, оның ішінде практикалық сабақтардан міндетті түрде өтуді талап етеді.
Көлік құралын басқару дағдыларын онлайн форматта қалыптастыру және бекіту мүмкін болмайды.
Фейк: ҚР Қаржы министрі Мәди Тәкиев инвестициялық қызметті жүзеге асыруға лицензия береді деген ақпарат таралуда.
ҚР Қаржы министрлігінің теріске шығаруы Қаржы министрлігі қаржы нарығында брокерлік, дилерлік, инвестициялық немесе өзге де кәсіби қызметті лицензиялауды жүзеге асырмайды.
Инвестициялық компанияларды және қаржы нарығының басқа да кәсіби қатысушыларын лицензиялау, тіркеу және қадағалау тек уәкілетті мемлекеттік органның құзыретіне жатады.
Фейк: Әлеуметтік желілерде ҚР Қарулы Күштеріндегі өзекті оқиға ретінде бейнежазба таратылуда.
ҚР Қорғаныс министрлігінің ресми мәлімдемесі Бейнежазба 2019 жылы Қарулы Күштердің әскери бөлімдерінің бірінде түсірілген.
Әскери қызметшілер мұны әзіл сипатында түсірілгенін және тек жеке пайдалануға арналғанын түсіндіреді.
Фейк: Қазақстанда ірі қара малды жаппай тәркілеу және жою жүргізіліп жатыр деген ақпарат таралуда.
ҚР Ауыл шаруашылығы министрлігінің ресми теріске шығаруы Бейнежазбаның Қазақстанға қатысы жоқ.
Ел аумағында ауыл шаруашылығы жануарларын тәркілеу немесе мәжбүрлі түрде жою тек заңнама сәйкес, тиісті аумақтың бас мемлекеттік ветеринариялық-санитариялық инспекторының шешімі негізінде және жергілікті атқарушы органдар шектеу шараларын міндетті түрде енгізген жағдайда жүзеге асырылады.
Фейк: Қазақстанда «сәтсіз инъекциялардан» кейін қызылшаға қарсы вакцинация тоқтатылды деген ақпарат таралуда.
ҚР ДСМ Санитарлық-эпидемиологиялық бақылау комитетінің ресми мәлімдемесі
Қызылшаға қарсы вакцинация профилактикалық екпелер күнтізбесіне сәйкес еліміздің барлық өңірлерінде жоспарлы түрде жүргізіледі.
Вакцинаны қолдануға байланысты әдеттен тыс реакциялар немесе асқынулар тіркелмеген.
Фейк: Әлеуметтік желілерде «әскерден босату» немесе «ақ билет» алу қызметтерінің жарнамасы таралуда.
ҚР Қорғаныс министрлігінің теріске шығаруы
Әскери қызметке шақыруды кейінге қалдыру немесе одан босату туралы шешім ҚР-ың заңнамасына сәйкес тек шақыру комиссиясымен қабылданады.
Құжаттарды қолдан жасауға немесе заңды айналып өтуге бағытталған кез келген әрекеті қылмыстық жауапкершілікке әкеп соғады.
Барлық рәсімдер, оның ішінде медициналық куәландыру, ресми мемлекеттік органдар арқылы жүзеге асырылады.
ҚР Бас прокуратурасының ескертуі:Бас прокуратура терроризмді насихаттағаны және теракт туралы көрінеу жалған хабар таратқаны үшін қылмыстық жауапкершілік көзделгенін еске салды.
Қадағалау органы терроризмге тікелей шақыру ғана емес, оны мақұлдау немесе қолдау, оның ішінде әлеуметтік желілердегі пікірлер мен жарияланымдар арқылы да қылмыстық жауапкершілікке әкеп соғатынын хабарлады.
ҚР Қылмыстық кодексінің 273-бабына сәйкес дайындалып жатқан теракт туралы көрінеу жалған хабарлау үшін 5 жылға дейін бас бостандығынан айыру жазасы қарастырылған.
Өткен жылы жалған терроризм фактілері бойынша сотқа 25 қылмыстық іс жолданды.
Мысалы, Жетісай қаласында мектепті «миналау» туралы IP-мекенжайды ауыстыру арқылы жалған хабар берген 11-сынып оқушысы анықталып, 1 жылға сотталды.
Сондай-ақ, Ақтау қаласында оқу орнына бомба қойылғаны туралы жалған хабарлама жасаған азамат 1 жыл 6 ай мерзімге бас бостандығынан айырылды.
Ведомство интернеттегі жасырындық жауапкершіліктен қорғамайтынын және шұғыл тексерулерге жұмсалған барлық шығындар кінәлі тұлғалардан өндірілетінін атап өтті.