Алматы қаласында ІІМ интернетте мектеп атына қоқан-лоққы сипатындағы хабарлама жариялаған жасөспірімнің жеке басын анықтады.
Әлеуметтік желілердегі бұл жазба 10 желтоқсанда тіркеліп, сол күні құқық қорғау органдарына жолданған.
Хабарламаның авторы Наурызбай ауданындағы №207 мектептің 8-сынып оқушысы болып шықты.
Бұл жерде облыс орталықтарда тараған фейк немесе жалған ақпарат туралы сөз болып отырған жоқ.
Алайда мұндай жарияланымдар алдын алу мақсатында арнайы түсіндіруді қажет етеді, өйткені олар қоғамдық қауіпсіздікке тікелей қатер төндіріп, заңдық жауапкершілікке әкелуі мүмкін.
Жасөспірімдер тарапынан «қалжың» немесе назар аударту әрекеті ретінде қабылданатын мұндай іс-әрекеттер міндетті түрде құқық қорғау органдарының тексеруіне жатады.
Қазақстан Республикасының заңнамасында әкімшілік жауапкершілік қарастырылған.
Атап айтқанда, ҚР ӘҚБт
К 127-бабында ата-аналардың немесе өзге де заңды өкілдердің кәмелетке толмағандарды тәрбиелеу, білім беру, олардың құқықтары мен заңды мүдделерін қорғау, сондай-ақ қауіпсіздігін қамтамасыз ету жөніндегі міндеттерін орындамауы үшін жауапкершілік белгіленген.
Бұл құқық бұзушылық үшін 10 АЕК мөлшерінде айыппұл салынады, ал бір жыл ішінде қайталап жасалған жағдайда 15 АЕК мөлшерінде айыппұл не бес тәулікке дейін әкімшілік қамауға алу қолданылуы мүмкін.
Сонымен қатар кәмелетке толмаған тұлға полиция органдарында профилактикалық есепке қойылады, бұл оның кейінгі оқуына, беделіне және болашақ мүмкіндіктеріне теріс әсер етуі ықтимал.
Жасөспірімдер интернетте жарияланатын кез келген қоқан-лоққы немесе зорлық-зомбылыққа меңзейтін материалдардың назардан тыс қалмайтынын және олардың ауыр салдарға әкелуі мүмкін екенін түсінуі маңызды.
Ал ата-аналар балалардың онлайн-белсенділігіне ерекше көңіл бөліп, интернеттің де қауіп-қатері жоғары орта екенін түсіндіруге, сондай-ақ цифрлық кеңістікте рұқсат етілетін мінез-құлық шекараларын жасөспірімдермен үнемі талқылап отыруға тиіс.
Жалған ақпаратқа қарсы іс-қимыл орталығы барлық пайдаланушыларды желідегі жарияланымдарға жауапкершілікпен қарауға шақырады.
Тіпті ең зиянсыз көрінетін ойланбай жасалған «әзілдің» өзі тым қымбатқа түсіп, тек автордың өзіне ғана емес, айналадағы адамдардың қауіпсіздігіне де әсер етуі мүмкін.