«Ішкі істер министрлігінен келген шұғыл ескерту» ФЕЙК болып шықты
Соңғы күндері Whats App мессенджерінде Ішкі істер министрлігінің атынан таратылған делінген «шұғыл ескерту» хабарламасы тарап жатыр.
Онда азаматтарға баспаналарының есіктерін құлыптап ұстау, бейтаныс адамдармен лифтке кірмеу, Сирия мен Ауғанстаннан келген мигранттармен байланыстан аулақ болу сияқты ойдан шығарылған «кеңестер» берілген.
Ішкі істер министрлігінің баспасөз қызметінің ресми мәлімдемесі:Мессенджерлерде тараған мигранттар мен балаларды ұрлау туралы «ескерту» – жалған ақпарат.
Ведомство өз тарапынан мұндай хабарламалар жариялаған жоқ.
Азаматтарды тек ресми ақпарат көздеріне сенуге және тексерілмеген хабарламаларды таратпауға шақырамыз.
Мұндай таратылымдар халық арасында үрей туғызуға және мемлекеттік органдарға деген сенімсіздік қалыптастыруға бағытталған әдейі әрекет.
Ең маңыздысы: фейк ақпарат жалған мәліметті қайта-қайта жіберген кезде тарала бермек.
Адамдар күмәнді хабарламаларды отбасылық чаттарға, жұмыс топтарына немесе достарына ойланбай жіберген кезде, олардың өздері де бөтен біреудің теріс пиғылды мақсатының бір бөлігіне айналады.
Егер сіз күмәнді ақпаратқа тап болсаңыз оны әрі қарай таратпаңыз, керісінше біздің @Anti
Fake Center
Bot чат-ботқа жолдап, тексертіп алыңыз.
Маңызды ақпарат: Whats
App қайта таратылған хабарламаларды қалай белгілейді«Жиі таратылатын» деген жазу немесе қос жебе белгісі хабарлама бес рет немесе одан да көп адамға не чатқа жіберілген жағдайда пайда болады.
Мұндай шектеу мессенджерде спамға және жалған хабарламалардың таралуына қарсы күресу үшін енгізілген.
Сонымен қатар ол қолданушыларға хабарламаның түпнұсқа еместігін түсінуге көмектеседі.
Бұл нені білдіреді: Түпнұсқа емес хабарлама: бұл сіздің контактіңіз жазған мәтін емес, біреуден келген және қайта жіберілген контент. Таралымға шектеу: белгі платформада белсенді таралып жатқан хабарламаларды айқындауға көмектеседі және ықтимал спам не дезинформация жайлы ескерту ретінде қызмет етеді.